पोखराको लेकसाइडस्थित विभिन्न स्पा सेन्टरहरूबाट प्रहरीले ८ जना बालिकालाई उद्धार गरेको छ।
जिल्ला प्रहरी कार्यालय कास्कीका सूचना अधिकारी डिएसपी हरिबहादुर बस्नेतका अनुसार इभेन्डर ब्युटी एण्ड स्पाबाट ४ जना, ताराहिल लज स्पा एण्ड ब्युटीकेयर र पर्सल्यान स्पाबाट २–२ जना गरी कुल ८ जनालाई उद्धार गरिएको हो।
स्पा सेन्टरहरूमा १८ वर्षमुनिका बालिकाहरूलाई काममा लगाइएको सूचनापछि जिल्ला प्रहरी कार्यालय कास्की र पोखरा महानगरपालिकाको सामाजिक विकास महाशाखाबाट उद्धार टोली खटिएको थियो।
उक्त टोलीले असार १६ गते उद्धार गरेको भए पनि कास्की प्रहरीले असार १७ गते राति मात्रै यो जानकारी सार्वजनिक गरेको हो। उद्धार गरिएका बालिकाहरूलाई कारबाहीका लागि श्रम तथा रोजगार कार्यालय पोखरामा पठाइएको प्रहरीले जनाएको छ।
