काठमाडौँ । गायिकाद्वय एलिना चौहान र रचना रिमालले आफूहरूको नाममा नक्कली फेसबुक आइडी खोलेर ठगी प्रयास भएको भन्दै सर्वसाधारणलाई सचेत हुन आग्रह गरेका छन्।
जेनजी आन्दोलनपछि गरिबी र आर्थिक कठिनाइको बहाना देखाउँदै पैसा माग्ने मेसेज आएको बताइएको छ। एलिना र रचनाले फेसबुकमा मेसेजको स्क्रिनसट सेयर गर्दै, यस्तो ठगीमा नपर्न र आएमा तुरुन्त ब्लक तथा रिपोर्ट गर्न अनुरोध गरे।
एलिनाले भनिन्, “मेरो फेसबुक आइडी दुरुपयोग गरेर केही व्यक्तिहरूले पैसा उठाउने काम गरिरहेका छन्। सबैलाई अनुरोध छ- सावधान रहनुहोस्।” रचनाले पनि आफ्नो फोटो र नाम प्रयोग गरी ठगी गर्न खोजिएको पाइएको जानकारी दिइन्।
