काठमाडौँ, २ असोज । भदौ २३ र २४ गतेको विध्वंसात्मक प्रदर्शनपछि खुलेको नेपाली सेयर बजारमा दोस्रो नेगेटिभ सर्किट ब्रेक लागेर कारोबार ४० मिनेटका लागि स्थगित भएको छ।
कारोबार खुलेको दुई मिनेटमै नेप्से परिसूचक ४ प्रतिशत घट्दा पहिलो सर्किट ब्रेक लागेको थियो। पुनः बजार खुल्दा कुल ५ प्रतिशत गिरावट आएपछि दोस्रो सर्किट ब्रेक लाग्यो। यसपछि नेप्से परिसूचक १३३ अंक घटेर २५३८ मा कायम भएको छ।
विशेष गरी दुई पुनर्बीमा कम्पनीसहित अन्य समूह ८.९ प्रतिशतसम्म घटेका छन् भने बैंकिङ, विकास बैंक, लगानी र जीवन बीमा समूहमा पनि ५ प्रतिशतभन्दा बढी गिरावट आएको छ। यसले प्रदर्शनपछि बजारमा आएको अस्थिरता र लगानीकर्तामा बढेको जोखिमलाई उजागर गरेको छ।
