नयाँ दिल्ली । गत जुनमा एयर इन्डियाको बोइङ ७८७ ड्रीमलाइनर विमान दुर्घटनामा ज्यान गुमाएका चार यात्रुका परिवारले अमेरिकी कम्पनीहरू बोइङ र हनीवेलविरुद्ध मुद्दा दायर गरेका छन्। उनीहरूले इन्धन स्विचमा आएको खराबीका कारण दुर्घटना भएको र कम्पनीहरूले लापरबाही गरेको आरोप लगाएका छन्।
फ्लाइट १७१ अहमदाबादबाट लन्डन ग्याटविकतर्फ उडेको केही समयमै दुर्घटनाग्रस्त हुँदा २६० जनाको मृत्यु भएको थियो। प्रारम्भिक अनुसन्धानले इन्धन आपूर्ति रोकिनु मुख्य कारण देखाएको छ। पीडित परिवारले डिजाइनमा त्रुटि भएको र कम्पनीहरूले चेतावनी वा आवश्यक कदम नचालेको आरोप लगाएका छन्।
दुर्घटनाको विस्तृत प्रतिवेदन सन् २०२६ मा आउने अपेक्षा गरिएको छ।
