२०८२ साउन १ गते बिहान १ बजेको समयमा इलाका प्रहरी कार्यालय रंगेली र सशस्त्र प्रहरी बल नोचाको संयुक्त टोलीद्वारा मोरङको धनपालथान गाउँपालिका–१ स्थित गदिया खोला किनारबाट १० बोरा गाजा बरामद गरिएको छ। बरामद गरिएको गाजाको तौल करिब ३०० किलोग्राम रहेको प्रहरीले जनाएको छ।
यसअघि १० दिनअघि पनि सोही स्थानबाट करिब ८०५ किलोग्राम गाजा बरामद गरिएको थियो। अहिले उक्त स्थानबाट झण्डै १०० मिटर पूर्वतर्फको खोला किनारमा पुनः ३०० किलोग्राम गाजा फेला परेको हो।
सम्बन्धित निकायहरूले लागुऔषध नियन्त्रण अभियानलाई अझ सशक्त बनाउने प्रतिबद्धता व्यक्त गरेका छन्।
