“नेपालगन्जमा अज्ञात पुरुषको मृत्यु: पहिचानका लागि प्रहरीको अपिल”

बिहान अन्दाजी १०:०० बजे बाँके जिल्ला, नेपालगन्ज-६, कान्तीताल जाने बाटोमा अन्दाजी ३५ वर्षको एक पुरुष व्यक्तिलाई अचेत अवस्थामा फेला पारी भेरी अस्पतालमा उपचारका लागि पठाइएको थियो। अस्पतालमा उपचारको क्रममा बिहान १०:२० बजे चिकित्सकले उक्त व्यक्तिलाई मृत घोषणा गरेका छन्।

हाल उक्त व्यक्तिको शव भेरी अस्पतालमा रहेको छ। मृतकको नाम, थर, वतन वा अन्य परिचय खुल्न नसकेकोले उक्त व्यक्तिलाई चिन्ने वा कुनै जानकारी भएका महानुभावहरूलाई जिल्ला प्रहरी कार्यालय, बाँकेमा सम्पर्क गर्न हार्दिक अनुरोध गरिन्छ।