पोखरा । जेनजी प्रदर्शनका क्रममा कास्की कारागारबाट धेरै कैदीबन्दी भागेका थिए। तीमध्ये अझै ३ सय जना फर्किएका छैनन्।
कारागारमा रहेका ७ सय ७३ कैदीमध्ये ४ सय ७४ जना मात्र फर्किएका छन्। कारागार प्रमुख रमेश शर्माले यो जानकारी दिएका हुन्।
उनका अनुसार फरारमध्ये १४ जना विदेशी नागरिक पनि छन्। कारागारमा ७ सय ३८ पुरुष र ३५ महिला थिए।
भागेकाहरुलाई तुरुन्त फर्किन सूचना जारी गरिएको थियो। असोज २० गतेसम्म म्याद दिइए पनि अझै ३ सय जना बाहिरै छन्।
शर्माले भने, “अब नफर्किनेहरुलाई कारागार ऐन २०७९ अनुसार कारबाही हुनेछ।” उनले थपे, “फरारलाई लुकाउने वा सहयोग गर्ने पनि कानुनी कारबाहीको दायरामा पर्छ।”
कारागार कार्यालय कास्कीले जनतालाई सहयोग गर्न आग्रह गरेको छ। यदि फरार कैदीबारे कुनै जानकारी भएमा नजिकको प्रहरी कार्यालयमा खबर गर्न अनुरोध गरिएको छ।
