भदौ पहिलो साताका लागि तय गरिएको एकीकृत समाजवादीको केन्द्रीय कार्य समिति बैठक २० दिनपछि सारिएको छ।
महासचिव घनश्याम भूसालले शनिबार दिउँसो जारी गरेको सूचनामा ४ भदौमा स्थायी कमिटी, ५ भदौमा पोलिटब्यूरो र ७–८ भदौमा केन्द्रीय कमिटी बैठक बस्ने उल्लेख थियो। तर, राति जारी अर्को सूचनामा बैठकको मिति परिवर्तन गरिएको छ।
नवीन तालिकाअनुसार २५ भदौमा स्थायी कमिटी, २६ भदौमा पोलिटब्यूरो र २७–२८ भदौमा केन्द्रीय कार्य समिति बैठक बस्ने प्रचार विभाग प्रमुख प्रकाश ज्वालाले जानकारी दिए।
उनका अनुसार, चाडबाडलाई ध्यानमा राखेर बैठक सारिएको हो।
