स्याङ्जा । स्याङ्जाको पुतलीबजार नगरपालिका १ स्थित अरौदिखोलाले मोटरसाइकलसहित २ जनालाई बगाएको छ । जिल्ला प्रहरी कार्यालय स्याङ्जाका अनुसार बिहीबार राति ग ११ प ८१८३ नम्बरको मोटरसाइकलमा सवार दुई जनालाई बगाएको हो ।
मोटरसाइकल पछाडी सवार पुतलीबजार नगरपालिका १७ बस्ने सपिम शाही सकुशल रहेका छन् भने पुतलीबजार नगरपालिका ३ बाडखोला बस्ने २१ वर्षीय मोटरसाइकल चालक सलिम मगर हालसम्म फेला नपरेको प्रहरीले बताएको छ ।
मोटरसाइकल खोलाले बगाएको ठाउँबाट अन्दाजी सय मिटर तल फेला पारेकाे छ । बेपत्ता मगरकाे नेपाली सेना र सशस्त्र प्रहरीद्धारा खोज तलास जारी रहेको जिल्ला प्रहरी कार्यालय बताएको छ ।
