वासिङ्टन डिसी । युटाहमा एक कार्यक्रमको क्रममा रूढिवादी कार्यकर्ता चार्ली कर्कको गोली लागेर मृत्यु भएको छ। कर्क अमेरिकी राष्ट्रपति डोनाल्ड ट्रम्पका नजिकका सहयोगी थिए र अमेरिकाभरि विभिन्न क्याम्पसहरूमा बहस कार्यक्रम सञ्चालन गर्ने व्यक्तिको रूपमा परिचित थिए। ट्रम्पले ट्वीट गर्दै भने, ‘महान र प्रख्यात चार्ली कर्क अब रहेनन्। अमेरिकाका युवाहरूलाई चार्लीले जति कसैले बुझेन वा माया गरेन।’
एफबीआईका निर्देशक काश पटेलले एक संदिग्ध हिरासतमा लिइएको र पछि रिहा गरिएको जानकारी दिएका छन्। अधिकारीहरूले गोली छतबाट चलाइएको अनुमान गरेका छन्। १८ वर्षको उमेरमा कर्कले रूढिवादी समूह टर्निङ प्वाइन्ट यूएसए स्थापना गरेका थिए
