रोहित बस्नेत
भाद्र १४ पोखरा : ट्रेकिङ सामग्री विक्रेताहरुको छाता संस्था ट्रेकिङ इक्युपमेन्ट सप एशोसिएसन (टेसा)पोखराको अध्यक्षमा टिका बहादुर लम्साल निर्वाचित भएका छन् । शनिबार सम्पन्न भएको २७औं वार्षिक साधारण सभा तथा १५औं अधिवेशनले लम्सालको नेतृत्वमा नयाँ कार्यसमिति सर्वसम्मत चयन गरेको हो ।
दुईवर्षे कार्यकालका लागि प्रथम उपाध्यक्ष महेन्द्र बहादुर जिसी, दिद्धिय उपाध्यक्षमा टिकाराम लम्साल, सचिवमा रमेशराज अधिकारी, सहसचिवमा बुद्धि बहादुर बस्नेत यसै गरि कोषाध्यक्षमा, केशवराज वास्तोला चयन भएका छन् । सदस्यहरुमा योगेश सुवेदी, किरण काफ्ले, हरिमाया ढुंगाना, राजकुमार नेपाली निर्वाचित भएको संस्थाका पूर्व अध्यक्ष नारायण सापकोटाले जानकारी दिए ।
नवनिर्वाचित अध्यक्ष लम्सालले गुणस्तरीय ट्रेकिङ सामग्री बिक्री गर्नेहरुको संस्था बनाउन भूमिका खेल्ने प्रतिबद्धता व्यक्त गरे । उनले आर्थिक गतिविधिमा पार्दर्शी हुने र प्रश्न उठ्ने ठाउँ नराख्ने दाबी गरे ।
टेसा पोखराले संस्थाको सामाजिक उत्तरदायित्व अन्तर्गत आर्थिक रूपमा बिपन्न परिवारलाई हिउँदको कठ्याङ्रीने जाडोमा थोरै भएपनि राहत पुगोस् भन्ने मनशायले प्रत्येक बर्ष न्यानो कपडा बितरण कार्यक्रमलाई निरन्तरता दिएको छ ।
