जनकपुरको थापाचोकस्थित रेलमार्ग क्रस गर्ने क्रममा रेल र कार एक आपसमा ठोक्किएका छन्।
बागमती प्रदेश–०१–२५ च १२९० नम्बरको कारसँग रेल ठोक्किएको जिल्ला प्रहरी कार्यालय धनुषाका प्रहरी प्रवक्ता डीएसपी बरुणबहादुर सिंहले जानकारी दिएका छन्। उनका अनुसार घटनाको विस्तृत विवरण आउन बाँकी छ।
प्रत्यक्षदर्शीका भनाइअनुसार, रेल भांगहाबाट जनकपुरतर्फ आउँदै थियो। सोही बेला थापाचोकतर्फबाट जानकी मन्दिरतर्फ जाँदै गरेको कारले रेलमार्ग पार गर्न खोज्दा रेलसँग ठोक्किएको हो।
प्रहरीका अनुसार दुर्घटनामा कुनै मानवीय क्षति भएको छैन।
