सप्तरी जिल्लाको डाक्नेश्वरी नगरपालिका–५, पातोस्थित महादेवा टोलबाट ठूलो परिमाणमा लागुऔषध गाँजा बरामद गरिएको छ।
जिल्ला प्रहरी कार्यालय सप्तरीका प्रवक्ता तथा प्रहरी नायब उपरीक्षक (डीएसपी) जितेन्द्रकुमार बस्नेतका अनुसार, नहर छेउको धान खेत र बाँसघारीमा बेवारिसे अवस्थामा लुकाइएको ३९६ किलो गाँजा फेला परेको हो।
नेपाल प्रहरी र सशस्त्र प्रहरी बलको संयुक्त गस्ती टोलीले १७ वटा बोरामा राखिएको उक्त गाँजा बरामद गरेको जनाइएको छ।
प्रहरीका अनुसार, गाँजाको स्रोत र सम्बन्धमा थप अनुसन्धान भइरहेको छ।
