रामेछाप जिल्लाको उमाकुण्ड गाउँपालिका–६, गुप्तेश्वरमा एक महिलामाथि खुकुरी प्रहार भएको छ। घटना बुधबार साँझ भएको हो।
३२ वर्षीय रजिन सुनुवारले सोही ठाउँकी २७ वर्षीया एलिसा सुनुवारमाथि खुकुरी प्रहार गरेका थिए। खुकुरी प्रहारबाट गम्भीर घाइते भएकी एलिसाको उपचारका लागि सिम्रिक एयरको हेलिकप्टरमार्फत काठमाडौंको केएमसी अस्पताल ल्याइएको छ।
जिल्ला प्रमुख अधिकारी श्यामकृष्ण थापाका अनुसार, वर्षाका कारण सडकको अवस्था खराब भएकाले घाइतेलाई हेलिकप्टरबाट उद्धार गरी थप उपचारका लागि काठमाडौं पठाइएको हो।
