पर्सा जिल्ला प्रहरी कार्यालयले स्रोत नखुलेको २८ लाख २८ हजार रुपैयाँसहित तीन जनालाई पक्राउ गरेको छ।
जिल्ला प्रहरी कार्यालय पर्साका प्रवक्ता प्रहरी नायब उपरीक्षक किशोर लम्सालका अनुसार हुण्डी कारोबारमा संलग्न रहेको आशंकामा पकाहामैनपुर गाउँपालिका–२ का अनिल वर्णवाललाई ९ लाख ४७ हजार, वीरगञ्ज महानगरपालिका वडा नं. ३ आदर्शनगरका विनितकुमार श्रीवास्तवलाई १५ लाख ८१ हजार र बाराको परवानीपुर गाउँपालिका–४ का दीपककुमार सोनारलाई ३ लाख रुपैयाँसहित पक्राउ गरिएको हो।
पक्राउ परेका अभियुक्तहरूलाई मुलुकी अपराध संहिता, २०७४ को दफा १२५ को उपदफा (क) बमोजिम (हुण्डी कारोबार गर्न नहुने) कसुरमा जिल्ला अदालतबाट ५ दिनको म्याद लिई थप अनुसन्धान भइरहेको छ।
